Keeta步兵好唔好做分享＋7個封號鎖帳原因＋人工收入時薪
更新日期: 2024 年 07 月 16 日
Keeta步兵好唔好做?本文搜羅了不少資深Keeta步兵界師兄意見，綜合出3大關鍵，免各位新手中伏。同時，Keeta步兵被Keeta封帳鎖Account也是不少人經常遇到。本文亦整理出7個Keeta終止與步兵合作原因。文章最後，亦分享Keeta步兵人工收入是多少，及為何已經有 Deliveroo 及 Foodpanda，仍有人加入Keeta做步兵。打算入行做Keeta步兵的朋友，這篇文章不可錯過哦。
Keeta步兵好唔好做? 你熟路嗎？
對於打算做Keeta步兵的朋友來說，熟路是很重要。不少Keeta步兵未能準時將外賣送抵客人手上，是因為不熟悉地區環境。例如不知道目的地需「行400級樓梯先到」，又或要「兜條大斜路上山，跑都要成6、7分鐘先到」。所以，做步兵，地區年資及對各區地型「伏位」了解度是否高，均很重要。
當然，「路面」情況總有不少意外出現，例如，有Keeta步兵表示：「佢（Keeta）覺得你遲到就係你錯，有時壞Lift，全大廈得返1部Lift，都試過唔通過，唔通叫我跑樓梯上去？」
月兔信貸貸款：學生／破產欠債人士／低TU／Freelancer可申請
Keeta步兵好唔好做? 順路嗎？
說到Keeta步兵好唔好做？不少步兵界老前輩均提過，新人盲搶單，是做得辛苦及送單遲到成因。「同一方向都算啦，有D人，唔理距離方向，搶咗先算，送完東，再去送西，普通超時都變嚴重超時，最後嘢食品質差咗，團又要俾優惠券，外賣仔又被封，3輸，何必呢！」所以，接之前，要考慮自己是否順路。不然，東西南北不停來回走，辛苦之餘，亦會被客投訴遲到或「打瀉嘢」。
邦民私人貸款推介 助你解決眼前難關
Keeta步兵好唔好做? 留意落雨
每到紅雨黑雨，不少人一定叫外賣。外賣員為了自身安全，亦不願送外賣，形成在雨天，大量的「單」無人接，手機應用程式響不停。當然，落雨送外賣另一個風險，是紙袋「溶咗」，食物「打瀉一地！」當中，麥當勞外賣最為高危。
為何Keeta步兵被封帳鎖Account？
Keeta步兵被封帳鎖Account？多因為服務差，客人投訴美團，令美團向Keeta步兵作出「處罰」。常見封帳鎖Account原因包括：
- Keeta步兵經常送單遲到；
- Keeta步兵將外賣送錯目的地；
- Keeta步兵將外賣打瀉；
- Keeta步兵對客人不禮貌被投訴；
- Keeta步兵經常不上線；
- Keeta步兵經常踢單；
- Keeta步兵與他人共用帳號。
Keeta步兵人工收入好嗎？
有Keeta步兵分享過，一日做5.5小時，賺330元 。小編有朋友，於日間做正職，晚上做Keeta步兵賺外快，他說平均3小時，賺200多元，亦試過於晚上12時，送外賣到朝早5時，賺了400多元。3個例子綜合起來，Keeta步兵人工，時薪約60元起 （目前最低工資為40港元）。
為何加入Keeta做步兵？
外賣界已經有袋鼠（Deliveroo）及熊貓 （Foodpanda），為何仍加入Keeta做步兵？當然是離不開錢，小編朋友更指：「Keeta易申請，係小單過熊貓，但熊貓要用卡俾200蚊買制服開戶，好麻煩！」