武漢肺炎 旅遊保險包唔包？

武漢肺炎於全球爆發，好多會出遊嘅朋友都想知道旅遊保險到底會唔會包武漢肺炎，今次就嚟個武漢肺炎旅遊保險懶人包，一次過解答各位嘅疑難。

而家先買，有邊間會保？

呢個應該係最多人問嘅問題，所以放最高。留意喇，如果你去嘅唔係疫區，而你只係唔敢/唔想出發，咁保險公司未必會賠，請聯絡保險公司查詢有冇得賠。如果你係被隔離或被取消行程，STARR幫到你。

保險公司	旅遊保險計畫	HongKongCard拆扣價（以5日4夜日本為例）
STARR	「卓悅遊」非凡計劃	HK$108
STARR	「卓悅遊」尊貴計劃	HK$154

 

武漢肺炎旅保有得賠？

一般嚟講只要購買咗旅遊保險，並且於旅程中染病，都可以獲得賠償。然而假如前往已宣佈為疫區嘅地方，則不會獲賠償。建議各位如要前往中國嘅話，最好事先向保險公司作查詢。  

因武漢肺炎而想取消或更改旅程有得賠？

能否獲得賠償要視乎旅程目地的，以及保單上關於「傳染病」嘅保障條款。假如旅程目地的為中國以外，大多數旅遊保險均不獲賠償。  

被拒絕入境有得賠？

現時越南拒絕批出簽證予中國、澳門及香港居民，雖然未知接下來會否有其他國家跟隨，但假如被拒絕入境嘅話，由於市面上保險條款並未有相關保障嘅關係，因此未能夠獲得保險賠償。  

身處中國武漢可否獲得保障？

假如投保前已經前往武漢，部份旅遊保險會將受保期自動延長至返港，同時亦受到旅程延誤保障。