香港航空評價如何？香港航空好唔好？香港航空伏？於網上討論區親子王國，便有網民就 HK Express HK Airline 的服務作出評價。在說到需於兩家航空公司作出選擇時，有 9 位網民選擇購買 HK Express 機票，6 位則支持購買香港航空機票。餘下 8 名人士，態度中立，認為價錢最平才是「王道」。那家航空公司機票最便宜，航班時間合自己需求，便購買哪一家。
香港航空評價！好唔好！香港航空伏？
在 23 位網民意見中，普遍認為香港航空優勝地方是有飛機餐，甚至有人指，可自攜食物上飛機吃。座位舒適度方面，香港航空亦更勝香港快運一籌。
至於香港航空可改善地方，主要是客機太舊。當然，說到飛機 Delay 或航班取消，任何航空公司均有機會發生，重點只是航空公司如何善後。當然，出門外遊，購買旅遊保險，也是一份保障。
香港快運HK Express與香港航空HK Airline服務5大分別
- 航空公司種類分別：HK Express 是一間廉航，不提供免費餐食；
- HK Airline 不是廉航，提供免費果汁麵包；
- 餐飲服務分別：「HK Airlines 你可以上機食自己嘢，HK Express 唔可以拎自己嘢食飲嘢」；
- 飛機大小分別：「HK Express 只有細機，HK Airlines 就有兩種機型」；飛機新舊分別：HK Airline 飛機偏舊，HK Express 飛機偏新；
- 座位舒適度分別：HK Airlines 坐位比 HK Express 闊小小，「HK Express 坐位係冇咁寬，對肥人冇咁方便。」「HK Express 好似坐新款薄櫈巴士，腰骨好辛苦。」
HK Express HK Airline 服務比較：8名中立者意見
- 網民 mini_yan 對香港快運與香港航空評價：一間廉航（HK Express）， 一間唔係廉航（HK Airline）；
- 網民 vjdma 對香港快運與香港航空評價：其實冇乜分別，最緊要時間同價錢啱，港航都係冇電視，餐係一個飽+飲品；
- 網民 pauline_c 對 HK Express HK Airline 評價：我覺得無分別，買價錢平嗰間；
- HK Express 乘客 Charlotte_mom 評語：我都覺得分別唔大！要讚一讚，近期坐幾次Express，都見到傳說中靚女，斯文有笑容，好服務嘅空姐；
- 網民 kommama 對 HK Express HK Airline 評價：HK Airlines 你可以上機食自己嘢，HK Express 唔可以拎自己嘢食飲嘢。Handcarry 無 HK Express 咁嚴謹。 Website 有座位闊度，HK Airlines 比 HK Express 闊小小。 同埋 HK Express 只有細機，HK Airlines 就有兩種機型；
- 網民 tkinwong 對 HK Express HK Airline 比較：其實有冇飛機餐，唔係差咁遠，冇乜所謂。要計埋機艙行李費；
- 網民 kokobear 對 HK Express HK Airline 評價：HK Airline 啲機好舊又唔平；
- 網民 emilylam 對 HK Express HK Airline 評價：兩間分別不大。
在 HK Express HK Airline 服務比較中，8名中立人士，有 4 名認為兩間航空公司服務分別不大。乘客亦很實際，普遍認為那家機票較便宜，時間又合適，便選擇那家。當然，亦有精明消費者點出，行李費亦不可忽視。
HK Express HK Airline 服務比較：9人支持坐香港快運
- 香港航空乘客 ydoris 對香港快運與香港航空評價：HK Express！香港航空而家好縮皮，暑假坐完......
- HK Express 乘客 Debbie0331 評語：HKE 空服都好 Nice 同 Helpful；
- 網民 whyyou 對 HK Express HK Airline 評價：HK Airline 機真係舊，我都成日擔心佢有冇錢做維修；
- 網民 olkan 對香港快運與香港航空評價：我覺得差唔多，HK Express 坐位係冇咁寬，對肥人冇咁方便。但飛幾個鐘，如果價錢平啲，我選它；
- 網民 popocat 對香港快運與香港航空評價：其實 HK Express ok，飛日本嘅機算幾新；
- 網民 kcpak 對 HK Express HK Airline 評價：如果哩兩間比，我一定揀 HKE！已經搭過十幾次，無問題，仲好準時；
- 網民 Hanayori 對 HK Express HK Airline 評價：先睇價錢，再睇航班時間；疫情前後都係搭 HKE，無誤時服務亦 OK，會先選 HKE；
- 網民 cherrieloy 對香港快運與香港航空評價：唔同架喎，一間廉航冇飛機餐，一間唔係廉航，有飛機餐。不過香港航空啲機好舊，俾我，我會坐快運，4 個鐘好快到啫；
- 網民 anpanmenbaby 對 HK Express HK Airline 評價：兩間差唔多，HK Express 時間啱就揀佢。
在香港快運與香港航空的選擇比較中， 9 人選乘香港快運，主要是香港航空服務不及香港快運好，有人認為「 香港航空啲機好舊」。至於香港快運，便「無誤時服務亦OK 」「其實HK Express ok，飛日本嘅機算幾新。」
HK Express HK Airline 服務比較：6人支持坐香港航空
- 網民 mmmo 對香港快運與香港航空評價：因為快運唔可以外帶食物，咁我選港航；
- 網民 Joey8 對香港快運與香港航空評價：俾我會揀香港航空，起碼座位闊啲，HK Express 好似坐緊新款薄櫈巴士，腰骨好辛苦；
- HK Airline 乘客 hfl2000 評語：啱啱暑假搭過 HKA 去札幌，無咗正常餐，只得一個熱包同一支水，另外有俾蘋果汁/橙汁/咖啡。睇價錢、時間及航點啦，HKA 有啲航點係HKE 無，例如札幌/函館/米子/岡山（未復航），有得揀我會偏向 HKA，我對佢係有啲情意結，曾經用佢啲積分總共換過 7 張去札幌機票（好易換，唔似 AM 咁要搶），亦因為屋企人曾經喺札幌跌斷腳要做手術，打去改期（改完又改），安排機場特別服務，佢都安排得好好，俾咗成排櫈屋企人可以瞓喺度飛返香港；
- HK Airline 乘客 rebecca0113：我鍾意 HK Airline，上次日本回程時，機師突然廣播話，剛剛飛到富士山上空，叫我哋快啲去睇同影相，我哋都大叫同拍手好開心；
- 網民蚊毛對香港快運與香港航空評價：香港航空！起碼飛東京 4 個鐘唔洗捱餓有嘢食有嘢飲；
- 網民 TMC3012 對 HK Express HK Airline 比較：睇價位，差唔多嘅話，我會揀港航。
在支持選乘香港航空的旅客中，普遍因為香港航空會提供食物。另外，座位相對舒適，亦是它較香港快運優秀地方。當然，支持者亦分享，香港航空亦會向旅客提供貼心旅程服務。
旅遊保險推介
一家大細去旅行，當然要購買一份保險作保障。到不同地區旅行，所留意的保障範疇亦有不同。HongKongCard 便推介以下產品，供大家參考。
- Starr - 「卓悅遊」非凡計劃：提供旅程延誤、取消旅程及縮短旅程保障，即使滑雪受傷，亦可索賠；
- 大新保險 - 「智優遊」旅遊保障計劃：提供行程延誤、額外酒店住宿費用、額外交通費用及取消行程保障。