GBA大灣區航空好唔好?據2024年4月，於香港討論區一個貼文「請問一下去日本東京搭大灣區航空好唔好？ 覺得評價點呀？」所顯示，13位有乘坐過GBA大灣區航空的乘客，均對大灣區航空評價有讚有彈。讚的是有免費水派，可免費揀位、可在飛機上充電及少人坐。至於缺點，均是本地新手航空公司常見問題，（當年甘泉航空亦老是常出現這類問題），就是飛機於起航時間方面尚有改善空間。它會準時，但偶爾Delay起來，也很令人憂慮，完全打亂旅客行程。
GBA大灣區航空好唔好？13位乘客評價有讚有彈
- GBA乘客「BuyBuy」對GBA大灣區航空評價：普通737飛機，冇電視、冇飛機餐 ( 可以買 ）平價飛唔包行李；
- GBA乘客「cheung~~~~」對GBA大灣區航空評價：搭過1次，永遠唔會再搭。機少，成日Delay；
- GBA乘客「yyhleung」對GBA大灣區航空評價：小心睇清楚包寄艙幾Kg行李，上次只包10Kg， 搞到現場被屈多幾嚿；
- GBA乘客「鬼屋原始的牛」對GBA大灣區航空評價：坐大灣，隻機比UO（香港快運）舒適，但班次少；
- GBA乘客「中午自信的雞翼」對GBA大灣區航空評價：每人有一支水派，個位窄D，椅唔係咁舒服，不過價錢平；
- GBA乘客「evo65」對GBA大灣區航空評價：2月去東京都係搭佢，整體都唔錯， 位唔算窄， 到達時間多數有早；
- GBA乘客「caesarhung1968」對GBA大灣區航空評價：搭過一次，早上機，以為時間好靚。最後Delay到晚上到東京，冇咗一天。伏到死；
- GBA乘客「dioho」對GBA大灣區航空評價：去程沒水派， 回程派一枝水，位好過HK Express少少，冇HK Express咁窄。今次冇Delay， 準時；
- GBA乘客「UV400」對GBA大灣區航空評價：啱搭完去東京，Delay咗3個鐘；
- GBA乘客「phyche」對GBA大灣區航空評價：坐過兩次，感覺好過HK Express， 有水派， 唔洗錢， HK Express乜都要錢；
- GBA乘客「山上異理想」對GBA大灣區航空評價：共搭過3次，未試過 Delay，好處比UO少客，排隊Check in較少人，放行李都易D，下次會再搭；
- GBA乘客「manua」對GBA大灣區航空評價：今年搭過兩次，包20K行李，冇飛機餐，但如果需要可預先網上Order，來回都有1樽免費水派，起飛前24小時內可網上免費揀位。第一次去東京，去程準時，回程時本來搭中午機，點知航班取消，要改搭同日黃昏機。第二次大阪，來回程都準時，去程飛機有USB充電，回程冇；
- GBA乘客「溫柔的柔柔」對GBA大灣區航空評價：我覺得好過預期，揀位免費，支裝水都係免費。
旅客Comment大灣區航空優點：免費揀位、有水派及座位舒適
乘客在評論大灣區航空優點時，主要是開心有免費水派（最多人讚）、可以免費揀位、可以充電、座位舒適、少人坐。最重要是，在用戶評價中，均有人讚大灣區航空服務，相較香港快運好，而沒有人說「大灣區航空及不上香港快運」。
旅客Comment大灣區航空缺點：航班少、座位窄、航班Delay
論大灣區航空缺點，不少使用過服務的飛機乘客均認為是航班少、座位窄及航班Delay。
論航班少，問題不大。論大灣區航空座位太窄，這涉及旅客身型，難以定論。而且，亦有不少人讚大灣區航空座位舒適。
反而，大灣區航空的航班出發時間飄忽，是最需要改善。有旅客留言表示，試過「早上機，以為時間好靚。最後Delay到晚上到東京」另一位旅客則表示：「回程時本來搭中午機，點知航班取消，要改搭同日黃昏機。」
在13個大灣區航空評語中，便出現過4次Delay事件。當然，亦有旅客指航班曾經早到或沒有遲到。
總體來說，大灣區航空仍不是行程編排緊密人士、商務旅客、需出席當地重要活動人士，又或在當地預訂了Local Tour人士之首選。若然，打算選乘大灣區航空，建議購買旅行保險，保障個人利益。
大灣區航空乘客用後感建議
在評論大灣區航空好唔好時，乘客評論中提到，要留意寄艙行李重量，避免加重開支。「睇清楚包寄艙幾Kg行李，上次只包10Kg， 搞到現場被屈多幾嚿。」
旅遊保險推介
一家大細去旅行，當然要購買一份保險作保障。到不同地區旅行，所留意的保障範疇亦有不同。HongKongCard 便推介以下產品，供大家參考。
- Starr - 「卓悅遊」非凡計劃：提供旅程延誤、取消旅程及縮短旅程保障，即使滑雪受傷，亦可索賠；
- 大新保險 - 「智優遊」旅遊保障計劃：提供行程延誤、額外酒店住宿費用、額外交通費用及取消行程保障。