【消費券攻略】AlipayHK篇：消費券點買最抵？

關於5000蚊電子消費券，等到頸都長終於有得登記，登記完個心都未定落嚟，究竟要點樣買先最抵？唔同支付工具有唔同優惠，今次就同大家講吓AlipayHK，教大家用消費券賺到盡！

AlipayHK 消費券優惠解構

AlipayHK本身嘅消費券優惠豐富到令人眼花繚亂，又有全年巨無霸，又有鍾培生拳賽，加埋一堆禮券、印花、推薦等等，但其實有部分係抽獎，當然都祝大家好運可以抽到，但運氣唔在本攻略討論之列，放埋一邊先。AlipayHK真正同消費回贈有關，係以下3個優惠：

基本上如果你唔打算用超出$5,000消費券額去購物的話，就係集中用呢3個優惠，一定要攞登記嘅HK$20，然後就係搶登記勁賞當中最筍嘅5張券到時用（呢度睇AlipayHK優惠券推薦），就係咁簡單。

如果你打算用超過$5,000，咁除咗攞HK$20登記獎同埋搶5張優惠券之外，仲可以考慮以下優惠：

HKTVMall 7折券：2021年7月21日前可以去HKTVMall o2o門市用$350買$500購物券，每人限買3張，每次最多用1張，如果你想買嘅嘢在HKTVMall有售，就唔好錯過呢個優惠（優惠詳情）
東亞電子錢包綁定優惠：即日至2021年9月12日用東亞信用卡（Visa或Mastercard）首次綁定AlipayHK，簽賬1次滿$200，有$20現金回贈（優惠詳情）
東亞電子錢包簽賬優惠：即日至2021年9月12日用東亞信用卡（Visa或Mastercard）簽賬滿HK$5,000有HK$200現金回贈（優惠詳情）
東亞信用卡迎新：如果未有東亞信用卡，可以申請食埋迎新優惠，現時東亞銀行World Mastercard、東亞銀行 i-Titanium 卡迎新都做緊簽HK$3,000回HK$300（優惠詳情）
東亞信用卡HongKongCard額外獎賞：現時全新客戶經HongKongCard申請指定東亞信用卡送HK$400 超市禮券或 Apple Gift Card，可以一次過申請晒3張賺高達HK$1,200獎賞（優惠詳情）

消費超過$5,000的話，建議綁東亞信用卡去簽埋超出$5,000消費券嘅數目，因為而家東亞做緊優惠，記得呢個優惠AlipayHK只能綁Visa或Mastercard，唔好綁錯銀聯！同埋綁完最少簽HK$200先有回贈。下表係$5,000以上消費額，賺最多回贈嘅方法，以供參考。

消費額	最抵優惠	回贈（HK$）
HK$5,200-HK$5,499	AlipayHK登記限時賞東亞電子錢包綁定優惠東亞信用卡HongKongCard額外獎賞	$440
HK$5,500-HK$7,999	AlipayHK登記限時賞東亞電子錢包綁定優惠東亞信用卡HongKongCard額外獎賞 HKTVMall 7折券	$590
HK$8,000-HK$9,999	AlipayHK登記限時賞東亞電子錢包綁定優惠 HKTVMall 7折券東亞信用卡HongKongCard額外獎賞東亞信用卡迎新	$890
HK$10,000 或以上	AlipayHK登記限時賞東亞電子錢包綁定優惠 HKTVMall 7折券東亞信用卡HongKongCard額外獎賞東亞信用卡迎新東亞電子錢包簽賬優惠	$1,090

AlipayHK推出超多消費優惠券，畀你用$5000消費券時一齊用，筆者揀咗以下相對易用同埋回贈高嘅優惠券，記得7月18日一開就即刻去搶！