市面上咁多電子錢包，大家有冇聽過或者用過呢？其實各個供應商都不斷推出優惠開拓市場，而且生活中越來越多地方可以用得到。轉賬畀人、出街食飯、上網購物通通都用得到。我哋為大家搜羅咗雲閃付APP、PayMe、WeChat Pay、O!ePay、AlipayHK嘅用法同功能。（本文更新至2020年3月27日）
電子錢包比較
|
WeChat Pay 高級認證 |
PayMe |
O! ePay 好易畀 Pro |
AlipayHK 高級認證 |
|
| 免費增值上限 | - |
每月$2,000 每年$10萬 |
每月$5,000 | - |
| 提款上限 |
每日10次 每月$50,000 |
每日$5,000 每月$30,000 每年$10萬 |
每月$5,000 | 無限，每日10次 |
| 轉賬上限 |
每次$5,000 每日$10,000 每月$50,000 每月免手續費信用卡轉賬$1,000 |
每年$10萬 | 無限 |
每次$5,000 每日$20,000 每年$20萬 每月免手續費信用卡轉賬$2,000 |
| 特點 |
可以返內地消費畀錢 找到信用卡卡數 可以交電話費 |
轉賬同時發短訊畀對方 | 需要先申請八達通自動增值 |
轉賬、畀錢會賺到優惠印花 可以交煤氣費、電費、電話費 |
雲閃付APP
雲閃付APP算係個比較新嘅支付方式。而家優惠都吸引，註冊綁卡再用二維碼做一次消費，就有人民幣紅包。而且亦去指定商戶仲有優惠添。
詳情：【電子錢包 教學（一）】銀聯 雲閃付 二維碼 優惠 合集
WeChat Pay
WeChat Pay係一個內建喺WeChat 裡面嘅支付系統，除左買嘢畀錢之外，生活繳費、轉賬、還信用卡卡數都OK，功能強大。做完身份認證仲可以提升轉賬上限添。
詳情：【電子錢包 教學（二）】WeChat Pay 信用卡 香港內地 增值 轉賬 積分 里數 優惠 合集
PayMe
PayMe係滙豐開發嘅一個電子錢包，但無論你用HSBC、恒生、中銀、Citi、DBS、等任何銀行戶口都可以使用PayMe，可以隨時轉賬畀其他人。而家發展到網上購物都畀到錢，好快仲可以出街買嘢付款㗎。
詳情：【電子錢包 教學（三）】PayMe 信用卡 優惠 里數 積分 迎新 增值 限額 合集
O! ePay
八達通嘅O! ePay係本港四大電子錢包入面相對比較少人用嘅一個App，雖然iPhone要搭讀寫器先用到。不過識得用嘅話，佢仲係一個幾乎張張信用卡都賺到積分嘅一個電子錢包，里數又得，現金回贈又得，而家仲可以用轉數快FPS增值，方便好多。
詳情：【電子錢包 教學（四）】八達通 OePay 信用卡 優惠 里數 積分 增值 限額 合集
AlipayHK
AlipayHK 係內地支付寶嘅香港版，亦算係最多優惠嘅電子錢包，$3印花好多人都會用過。唔用黎買嘢、轉賬，仲可以交煤氣費、電費、電話費添。同WeChat Pay一樣，有兩級身分認證，交易限額有所不同。
詳情：【電子錢包 教學（五）】 AlipayHK 信用卡 增值 轉賬 積分 里數 優惠 合集