家居保險第三者責任｜第三者責任／個人責任／法律責任詳解

家居保險第三者責任（或稱個人責任／法律責任）非常重要，因為家居保險除咗保障財物損失之外，其實好多時係物業令第三者有損失（例如抹窗令鋁窗跌落街），相關賠償可以非常高！本文為你詳解家居保第三者責任，亦會提供常見賠償例子，與及詳細比較市面第三者責任保障。

家居保險第三者責任是甚麼？

家居保險嘅第三者責任保障，或稱個人責任保障／法律責任保障，其實並非家居保險獨有，其他保險，例如車保，都有類似嘅「第三保」，都係用嚟保障因意外而導致第三者身體受傷或財物損毀嘅法律責任。留意家居保唔一定包埋第三者責任保障，或有可能以附加保障（需付費）或獨立第三者責任保險形式出現。

家居保險第三者責任｜保障範圍

家居保險嘅第三者責任保障，都會列明範圍，以下3種較常見：

• 個人責任（或全球個人責任）：投保人及同住家人，因疏忽而導致而令第三者受傷或財物受損而需要負上嘅法律責任
• 業主責任：投保人作為業主及大廈公眾地方部份擁有人需負上嘅法律責任
• 租客責任：保障租客在合約訂明如失火、爆炸、風暴等原因而需負上嘅責任

亦有部分家居保險會提供家傭責任、寵物主人責任、承辦商責任等第三者責任保障。

家居保險第三者責任｜常見例子

通常意外發生都相當複雜，好難將所有起因都列晒出嚟，所以請留意，以下例子與及相關保障皆為參考，最終受唔受保，視乎實際情況與及保險公司最終決定。

鋁窗跌落街令途人受傷

視乎以下不同情況：

• 物業為自住：受到家居保險第三者責任保障中嘅個人責任保障
• 物業已出租：租客自己與及業主都有機會需要承擔責任，如租客及業主有買具第三者責任保障嘅家居保，就會受到個人責任保障
• 家傭抹窗而令鋁窗跌落街：如家傭受投保人或家人指示去抹窗而發生此意外，會受家居保險第三者責任保障中嘅個人責任保障
• 鋁窗因打風而跌落街：受火險保障

單位爆水管令下層漏水

視乎以下不同情況：

• 水管破裂屬自然損耗：屬一般家居保險嘅不保事項，唔會受到保障
• 爆水管屬意外，物業為自住：受到家居保險第三者責任保障中嘅個人責任保障
• 爆水管屬意外，物業已出租：租客自己與及業主都有機會需要承擔責任，如租客及業主有買具第三者責任保障嘅家居保，就會受到個人責任保障

家居保險第三者責任｜經HongKongCard投保家居保險 享獨家額外獎賞