車唔一定買新，尤其考完車牌買第一架車，未熟手未熟路，二手車就係好選擇，或者家庭代步車，好多人都會揀二手七人車，平靚正。當你已鎖定目標買二手車，揀好形號同有心水年份，去邊度買好呢？其實香港有超級多二手車買賣網站，未睇實車之前，一定要上多幾個買賣網睇，同一款車二手價同condition有時都可以相差幾遠。同埋唔一定要上會㗎，私人貸款一樣得！
28Car 易發車網
28car係個自助式網上汽車買賣嘅綜合平台，可以刊登私人賣車、車行賣車、徵求汽車、出售車牌、出售汽車零件等廣告。只需網上登記為會員就可以用上網站嘅功能去刊登買賣資料。而會員方面分為「私人」及「車行」。如以私人身份買賣則可登記成為免費「私人會員」。而收費嘅「車行會員」刊登車盤，信心會大一啲。
Carousell Cars
Carousell除咗係買賣二手服裝、精品平台之外，近年亦都推出Carousell Cars做二手汽車買賣。設有各個汽車嘅分類，提供唔少二手車輛可供購買。網站雖然屬於自由買賣平台， 主要依賴賣家提供嘅資訊，不過Carousell Cars搵咗IPMC 國際驗車合作，成為其官方驗車夥伴，協助用户於平台買車後提供專業驗車服務，確保買家買到部處於良好狀態、有安全保障嘅二手車。
網站：https://hk.carousell.com/categories/cars-32/
大昌行易手車
大昌行易手車成立於2004年，有一個佔地超過4萬平方呎嘅展銷中心，展出過百款歐、日、韓優質易手名車，係全港最具規模嘅單一經營易手車中心之一。仲有售後服務團隊，為客戶喺售前及售後提供支援服務，信心會強啲。另外更設有本田同日產認可易手車中心。
Price汽車
係屬於Price.com旗下嘅二手買賣汽車平台，產品主要分為四大類別，包括私家車、電單車、貨車、零件。同Carousell Cars一樣，都屬於開放式嘅二手平台，所以平台未必對放咗上去嘅車作出資料驗證，買家得到嘅資訊全部都係依賴賣家提供嘅內容同相片。而交易方面，賣家會留低聯絡方法，等準買家搵返佢作進一步嘅商議，之後嘅步驟（例如：驗收、成交文件）就要靠自己完成喇。
UsedCarMart
UsedCarMart係個網上買賣易手私家車嘅免費平台，由大昌行集團成員創辦。放喺上面賣嘅二手車都通過咗資料驗證程序。車主可以同準買家直接就交易價格達成共識，網站入面嘅車盤放售價格亦有市場參考價值。呢個平台仲有其他相關服務，好似交易前驗車、準備易手車買賣合約、汽車護理服務、汽車保險等等，基本上買賣都可以喺度處理好整個交易相關嘅事。
網站：https://www.usedcarmart.hk/
私人貸款買二手車 唔一定要上會
買二手車貸款方面，可選擇做汽車貸款（上會）或者申請一般私人貸款都可以。車行買車好多人都揀上會，因為一條龍，可以委託車行搞掂埋。不過一般汽車貸款對二手車價格、車齡都有要求，大多數會強制購買汽車全保，而且貸款利率係海鮮價。反而私人貸款選擇較多，亦唔需要任何首期，可按個人需要提取所需金額、選擇還款期，車種、車齡不受限制，貸款利率亦會相對清晰。
HongKongCard最新貸款優惠
HongKongCard獨家私人貸款優惠
有周轉需要？唔好等，即刻用HongKongCard私人貸款計算機，輸入心儀貸款額同埋還款期，即時選出最適合自己嘅私人貸款，仲有超級豐富HongKongCard獨家私人貸款優惠送畀你！全程網上申請，無須露面！