雅軒推介：台灣高鐵 站站有野玩！（下）
更新日期: 2016 年 03 月 29 日
上集講完台北站至台中站，下集就講埋彰化站、雲林站、嘉義站、台南站、左營站啦～
雖然聽好似好少接觸呢幾個站，不過其實都幾多野睇，而且未算係好開發咗的旅遊景點，唔洗同人逼～
彰化站
今夜星辰休閒農場－彰化目前最出名的新景點，有可愛的浪漫造景，幾適合情侶，另外小動物區仲有可愛的草泥馬
雙心池塘－這個景點很可愛，適合情侶、戀人來這邊拍下幸福的合影喔
三大彩繪影相點－ 海豐彩繪村／彰化百寶村／乳牛彩繪村，而家台灣好流行彩繪景點，個個都有自己Style，鍾意影相的都可以去曬
台灣玻璃館－ 同玻璃有關的都搵到，可以玩到大半日架
雲林站
農博公園－係當地居民追求休閒健康的秘境，真係無咩遊客去，鍾意自然環境一定要去
虎尾彩繪剪紙藝術村－牆上盡是紅白兩色的十二生肖剪紙，使此地成為藝術彩繪街，是很受歡迎的影相景點
劍湖山世界主題樂園－係中南部最具規模的旅遊主題遊樂園，台灣多野玩的樂園真係好少，呢個好吸引架，好多機動遊戲～
嘉義站
阿里山國家風景區- 是全台灣最必去的地方，黎到嘉義嘅人好多都係為咗上阿里山～歌都有得你唱啦～阿里山的姑娘～～啦啦啦啦～仲有得搭觀景火車！
文化路夜市－有上午限定同夜晚限定，可以由早食到晚～唔會俾你有個餓字出現～
台南站
台南的美食、小吃可以說是「全台之最多」，台灣朋友話我知，台南的味道偏甜，台北就偏咸，不過台南絕對係公認味道最多款式同最多特別野食的～～～
最出名有花園夜市同小北夜市~~
雅軒直接搵一個美食地圖俾大家～
牛肉湯類: 文章牛肉湯、阿村牛肉湯、阿財牛肉湯
鱔魚意麵: 阿源炒鱔魚、阿江炒鱔魚、赤崁棺材板鱔魚意麵
咖啡廳、早午餐: ici cafe、kokoni cafe、太古101咖啡
鍋燒意麵: 小茂屋鍋燒意麵、小豆豆鍋燒意麵
飲品: 布萊恩紅茶、波哥茶飲、義豐阿川冬瓜茶、兩角銀冬瓜茶
甜食: 蜷尾家冰淇淋、裕成水果行、同記安平豆花、安平貓小巴冰淇淋、無名豆花
宵夜場餐點: 秋收炭烤、1933老厝燒烤、豆奶宗
早餐推薦: 勝利早點、伊莉的店、哈利速食
伴手禮推薦: 所長茶葉蛋、連得堂餅鋪、林永泰興蜜餞行
聚餐推薦: 筑馨居、勾勾鍋鴛鴦火鍋
其它推薦人氣美食小吃:金得春捲、富盛號碗粿、阿松割包、邱家小卷米粉、
阿明豬心、穎川水餃、阿川紅燒土魠魚羹、阿鳳浮水虱目魚羹、包成羊肉、山根壽司、
福記肉圓、東巧鴨肉羹、度小月擔仔麵、楊哥楊嫂肉粽、周氏蝦捲、王氏魚皮、陳家蚵捲
龍貓公車站彩繪村－有D意外的，因為唔係同龍貓相關，而係飄著濃濃的英國風味，只有一個龍貓陪著姐妹等公車的經典畫面，其他係什麼類型的畫都有D
七股鹽山－然後去埋台灣鹽博物館，鹽樂活村同鹽田~好鍾意隻貓～
左營站
高雄85大樓－有最快的電梯每分鐘可上升750公尺！雅軒唔知有幾快，不過應該好Q快～
六合夜市是去高雄必去的一站，因為都係最傳統的一站啦～特別的就試下鹽蒸蝦！
瑞豐夜市－ 雅軒比較推薦這一個～因為個人喜歡的都係呢到搵到的，而且好多人都認為比較集中又多款式～
駁二藝術特區－係台灣咁多個藝術區入面差不多最大，雅軒個人覺得最多野睇的～
美麗島站－光之穹頂，打卡位，係被選為全世界第二美的車站！紅毛港文化園區－有六個大設施區，「高字塔旋轉餐廳」「天空步道」「展示館」「戶外展示區」「天空步道」「碼頭與候船室」「觀海平台」，可以休休閒閒行成日～
美濃民俗村－傳統民間藝術品，Sell民族野～鍾意傳統文化仲可以去埋原鄉紙傘文化村～
去到高雄，梗係要去埋墾丁啦，雅軒試過坐係沙灘望住個太平洋食早餐～真係好舒服～
雅軒小總結：
台灣其實除咗台北同高雄，都仲有好多好多值得去嘅地方架！有咗高鐵真係方便咗好多，搭曬成個台灣，由台北去台南都係兩個鐘內，快D去玩啦～～～