雖然稅務貸款主要係用嚟交稅，但其實好多銀行或財務機構冇規定稅貸一定要用嚟交稅。而且稅貸利息一般會比普通私人貸款低，所以好多人會申請嚟應付其他財務需要，例如進修、代替結餘轉戶還卡數、投資、備用等。
稅貸用途1：進修支付學費
報讀Part-time Degree課程學費要十幾萬、MBA就更貴。雖然可以申請持續進修基金，不過上限只得$20,000，基本上都要搵錢出嚟交學費。而其他政府或機構嘅學費貸款，一係申請需時，一係利息較高，如果本身冇積蓄，可以借稅貸幫手，金額足以應付學費。
稅貸用途2：投資增加收入
有筆錢最好就用嚟投資增值，稅貸利息較低，可以作為低息資金來源。例如嚟緊有幾隻矚目新股上市，中籤者或有豐富回報。如果做完功課有心水，小試牛刀亦未嘗不可嘅，不過要以穩陣為原則，量力而為，避免炒孖展、窩輪呢類風險較高嘅投資。
稅貸用途3：現金備用
當交完稅或者應付完財務需要之後，又知道嚟緊會有一筆支出，都可以借多少少做備用現金。例如嚟緊就到聖誕節，大時大節使費可能會多啲，有備用現金會輕鬆啲，正如前面所講，比起簽卡還Min Pay嘅利息會低啲。當然，大原則都係量力而為，過節其實係豐儉由人嘅。
稅貸用途4：記得準時交稅
收到稅單，借埋稅貸，梗係交咗稅先，重要記得準時交，因為根據《稅務條例》，如果唔準時交稅，就會當你欠稅，第一期稅遲交，第二期稅會同時到期，全部稅會收額外5%附加費。如果到期後過咗6個月都唔交，會再喺全部稅加5%之後再加收10%手續費。如果都係唔交，稅局就會向相關第三者，例如僱主發出追收稅款通知書，要求第三者代為交稅。假設係僱主代交，就可以扣起唔超過月薪一半嘅人工用嚟代交稅。而稅務局亦可以向區域法院進行民事起訴，追討欠稅。到時唔止要交稅同俾利息，仲要俾堂費同訟費，甚至可以申請扣押資產，提出破產或清盤申請。所以記得交晒稅先諗其他計劃呀！
HongKongCard獨家私人貸款優惠
有周轉需要？唔好等，即刻用HongKongCard私人貸款計算機，輸入心儀貸款額同埋還款期，即時選出最適合自己嘅私人貸款，仲有超級豐富HongKongCard獨家私人貸款優惠送畀你！全程網上申請，無須露面！