信用卡豁免年費方法⎢21間銀行電話熱線快捷鍵集合 包括DBS/HSBC/渣打/Citibank 申請Waive年費教學

申請信用卡，除咗要睇優惠，年費都係一個考慮因素。除咗本身永久免年費，好多卡出卡時都有免年費優惠，但優惠期過咗之後，都要開始交年費。其實唔少銀行都可以俾客戶申請豁免年費，只要打個電話就OK，有啲甚至直接撳幾個掣就搞掂，唔需要同CS真人對話。下文就為大家整理5大信用卡豁免年費方法，仲整合埋21間銀行嘅電話熱線，一個表就可以睇晒各大銀行嘅電話熱線同埋豁免年費​​快捷鍵。如果覺得要自己手動Waive年費麻煩嘅話，可以留意返最後介紹嘅永久免年費信用卡！（本文更新至：2024年4月）

如何申請豁免信用卡年費？5大Waive年費方法連教學

1.打電話Waive年費 銀行信用卡免年費熱線

以下呢個表列出咗各銀行熱線免年費撳掣步驟，一般都係打返去銀行信用卡熱線，有啲有自助免年費功能，有啲就要同CS真人對話。喺表入面如果最後一步係CS，代表都係要同CS傾偈。

以下熱線我都試過打去，當然唔係所有銀行嘅卡我都有申請，有啲熱線需要入咗信用卡號碼先可以去下一步，我就會參考返銀行官方嘅電話理財指南，睇返有冇自助免年費功能，可能後面仲需要撳多一兩個掣都未定。

如果熱線自助申請免年費被拒絕，仍然可以同CS真人商量下，銀行有時為咗留住客人，都會豁免年費。我自己就試過，出咗張新卡，賺完迎新就冇再簽過，到要交年費嘅時候，打去CS要求豁免年費，CS要求我只要簽一次就可以豁免。所以最緊要試下同CS商量，未到最後都唔好放棄。

信用卡豁免年費熱線 及 按鍵次序

註：假設接通後選擇廣東話語音後嘅按鍵次序

2.手機App申請豁免年費 免打電話 

唔少銀行近年新增手機App申請豁免年費服務，除咗可以慳返客戶打電話時間之外，大部份App都可以即時知道申請結果，方便又快捷。

3.簽賬滿指定金額或 信用卡自動免年費

一般信用卡免年費，一般銀行都會有簽賬要求。至於呢個簽賬要求係幾多，就冇一定。即使一年內只有幾次小額簽賬，仍然有機會免到。不過某啲信用卡要求好嚴格，企得好硬，如果簽唔夠數就好難免到，例子如下：

4.滿足指定開戶或條件要求 享年費豁免

除了簽賬要求之外，近年不少銀行亦會以同時持有該銀行的高級理財戶口豁免年費作招徠，只要滿足銀行指定客戶條件，即可申請豁免信用卡年費：

5.積分換豁免年費 

有啲信用卡可以用積分豁免年費，但既然打個電話就可以免年費，點解要用辛苦儲返嚟嘅分去換呢？如果真係豁免唔到，又想繼續用張卡，又唔想真金白銀畀年費，最後先出此下策交年費啦。

信用卡年費各不同 精選免年費信用卡2024

每間銀行收取信用卡年費都有自己嘅標準，附屬卡通常係主卡年費嘅一半。同一個級別嘅卡，年費都可以相差好遠，例如美國運通白金卡年費要成$9,500，但滙豐白金卡只係$1,800。

如果真係覺得打電話免信用卡年費好麻煩，市面上都有唔少永久免年費嘅信用卡，迎新禮品同回贈一啲都唔比收年費嘅失禮，呢篇文章就詳細介紹香港嘅免年費信用卡：

恒生enJoy白金卡

限定優惠！2024年12月16日起至12月31日期間，經HongKongCard成功申請 恒生enJoy白金卡，可享以下優惠：

• 全新客戶：批卡後1個月內簽賬滿HK$1,200，額外獎賞二選一：
  • 寶麗來 (Polaroid) 即影即有相機 Now+ Gen 2（原價：$1,599；顏色隨機）
  • HK$1,200 Apple Gift Card 或 HK$1,200 百佳超市禮券 或 HK$1,200 cc.point*
• 現有客戶：批卡後1個月內簽賬滿HK$700，額外獎賞二選一：
  • 富士(Fujifilm) 即影即有相機 Instax Mini 12（原價：HK$950；顏色隨機）
  • HK$700 百佳超市禮券 或 HK$700 Apple Gift Card 或 HK$700 cc.point*

^{*cc.point可以自由兌換不同獎賞組合，例如：HKTVmall／NETFLIX 禮品卡 / Nintendo 預付卡 等等。}

按此申請恒生enJoy白金卡

EarnMORE銀聯卡

限時優惠！2024年11月1日至12月31日期間，透過HongKongCard成功申請 EarnMORE銀聯卡，可享以下獨家優惠：

• 額外 40,000 cc.points (可自由兌換HK$200 現金券) + HK$100現金回贈
• 迎新送 OTO GoGo 鬆 2.0 按摩椅 (VN-05) 或 德國寶 WiFi智能UVC空氣淨化加濕風扇暖風機 (EFB-426HM-SC) 或 HK$500現金回贈
• 不限商戶類別，零售簽賬享高達2%現金回

按此申請EarnMORE銀聯卡

大新英國航空白金卡

獨家優惠！由即日起至2024年12月31日期間，新客戶透過HongKongCard成功申請大新信用卡，可享：

• 免簽賬！額外送 HK$250 超市禮券 或 Apple gift card 或 cc.points^
• 迎新可享高達 20,000 Avios飛行積分

^{^cc.point可以自由兌換不同獎賞組合，例如：HKTVmall／NETFLIX 禮品卡 / Nintendo 預付卡 等等。}

按此申請大新英國航空白金卡

其他可能感興趣文章

定期存款優惠2024｜銀行港元定存利率比較 新資金專享利率高達7.28厘

結婚貸款定碌信用卡好？即睇借錢結婚優缺點 附熱門私人貸款比較

Agoda 延後付款畀多5%手續費？附免手續費方法、優惠碼、信用卡折扣